Foto: Polisia.kz
Almatyda qylmys áleminiń ókilderi ustaldy, - dep habarlaidy Ult.kz, Massaget.kzke silteme jasap.
Jedel is-sharalardyń nátijesinde Almaty qalasynda qylmystyq ortanyń ókilderi bolǵan kúzet uiymynyń áreketteri áshkerelendi. Olar qaqtyǵys pen arandatýlar jasaý arqyly nysandardy basyp alýmen ainalysqan. Keiin olardyń "qaýipsizdigin" qamtamasyz etken.
Byltyr 23 qarashada figýranttar kriminaldyq qamqorlyq jasaý jáne yqpal etý maqsatynda karaoke barǵa basyp kirip, mekemeniń iesi men kúzetshilerin uryp-soqqan.
"Politsiiaǵa 10 kúdikti jetkizilip, 6-ýy qamaýǵa alyndy. 20-dan asa izdeý is-sharalary júrgizilip, atys jáne sýyq qarý tárkilendi. Buzaqylyq pen óz betinshe bilik etýdiń birneshe deregi boiynsha sotaldy tergep-tekserý júrgizilip jatyr. Kúdiktilerdiń osyǵan uqsas basqa da qylmystarǵa qatysy bar-joǵy tekserilip jatyr", – dedi IIM uiymdasqan qylmysqa qarsy kúres departamentiniń ókili Qýandyq Alpys.
