Almaty qalasy prokýrorynyń ókimimen prokýratýra qyzmetkerleri men kásipkerler palatasynyń ókilderinen kásipkerlerdiń quqyǵyn qorǵaý jónindegi mobildi top quryldy, dep habarlaidy "Ult aqparat".
Mobildi top azamattar men zańdy tulǵalar ókilderiniń ótinishi boiynsha qurylyp otyr.
Mysaly, Bostandyq aýdanynyń prokýratýrasy memlekettik satyp alý sharty aiasynda oryndalǵan mindettemeler úshin «Almaty Sý» MKK jetkizýshilerine 20 kúntizbelik kúnnen artyq aqsha tólemeý faktilerin anyqtady.
«Zań boiynsha tapsyrys berýshi shartqa sáikes, taýarlardy, jumystar men kórsetiletin qyzmetterdi qabyldaǵannan keiin aqy tóleý merzimi bes jumys kúninen aspaityn ýaqytta júzege asyrylýy kerek. Qadaǵalaý aktisi boiynsha 27 jetkizýshige 36 mln teńge somasynda tólem júrgizildi»,– dep habarlady qalalyq prokýratýradan.
Budan basqa, Medeý aýdanynyń prokýratýrasy qoǵamdyq tamaqtaný ornynyń jumysyn jalǵastyrýǵa kómektesti. Buǵan deiin qylmystyq qýdalaý organymen mórlengen bolatyn.Prokýratýra qylmystyq is boiynsha nusqaý bergennen keiin kásipker óziniń meiramhanasyn ashyp, shtattyq rejimde jumys istei bastady.
Biznesti qorǵaý jumystary jalǵasýda.
Aita keteiik, bul top táýlik boiy jumys isteidi.
