Almatyda «World Business Consulting» qarjylyq piramidasyn qurý jáne basqarý faktisi boiynsha sotqa deiingi tergeý aiaqtaldy, dep habarlaidy "Ult aqparat" Qarjylyq monitoring agenttiginiń baspasóz qyzmetine silteme jasap.
Aqparat boiynsha, uiymdastyrýshylar azamattarǵa enshiles kompaniialardyń investitsiialyq jobalaryna qarajat salýdy usynǵan. Bul kompaniialar syiaqyny alýǵa kepildik bergen.
"2018-2021 jj. WBC qarjylyq piramidasyna jalpy somasy 5,8 mlrd teńge tartyldy. Sotqa deiingi tergep-tekserý barysynda jalpy somasy 4,1 mlrd teńgeniń múlki tárkilendi.
Sot úkimimen qarjy piramidasynyń jetekshileri kináli dep tanylyp, 5 jyldan 6,8 jylǵa deiin bas bostandyǵynan aiyrý jazasyna kesildi" - delingen habarlamada.
Sonymen qatar, piramidalyq shemasynyń taǵy bes uiymdastyrýshysy halyqaralyq izdeýge jariialandy.
