الماتىدا «World Business Consulting» قارجىلىق پيراميداسىن قۇرۋ جەنە باسقارۋ فاكتٸسٸ بويىنشا سوتقا دەيٸنگٸ تەرگەۋ اياقتالدى, دەپ حابارلايدى "ۇلت اقپارات" قارجىلىق مونيتورينگ اگەنتتٸگٸنٸڭ باسپاسٶز قىزمەتٸنە سٸلتەمە جاساپ.
اقپارات بويىنشا, ۇيىمداستىرۋشىلار ازاماتتارعا ەنشٸلەس كومپانييالاردىڭ ينۆەستيتسييالىق جوبالارىنا قاراجات سالۋدى ۇسىنعان. بۇل كومپانييالار سىياقىنى الۋعا كەپٸلدٸك بەرگەن.
"2018-2021 جج. WBC قارجىلىق پيراميداسىنا جالپى سوماسى 5,8 ملرد تەڭگە تارتىلدى. سوتقا دەيٸنگٸ تەرگەپ-تەكسەرۋ بارىسىندا جالپى سوماسى 4,1 ملرد تەڭگەنٸڭ مٷلكٸ تەركٸلەندٸ.
سوت ٷكٸمٸمەن قارجى پيراميداسىنىڭ جەتەكشٸلەرٸ كٸنەلٸ دەپ تانىلىپ, 5 جىلدان 6,8 جىلعا دەيٸن باس بوستاندىعىنان ايىرۋ جازاسىنا كەسٸلدٸ" - دەلٸنگەن حابارلامادا.
سونىمەن قاتار, پيراميدالىق سحەماسىنىڭ تاعى بەس ۇيىمداستىرۋشىسى حالىقارالىق ٸزدەۋگە جارييالاندى.
