Almatyda qarý-jaraq pen oq-dári saqtalǵan taǵy bir oryn tabyldy, - dep habarlaidy "Ult aqparat" Polisia.kz saityna silteme jasap.
Ustalǵan búlikshiler kinásin moiyndap, urlanǵan zattardy jasyrǵan jerdi kórsetken. Bul jolǵy jasyryn oryn ulttyq park aýmaǵynda, orman beldeýinde ornalasqan.
"Tapanshalar, oq-dáriler, politsiia kiimderi salynǵan paket kárizge jasyrylǵan. Úsh tapansha, bir jaýyngerlik jáne 15 granata, Makarov tapanshasyna 100-den astam oq, Kalashnikov avtomatyna - 107, ańshylyq myltyqtan 16 oq, eki oq ótpeitin jilet, radiostantsiia, politsiia formasy, kamýfliaj sómke, sondai-aq 2 400 AQSh dollary kólemindegi qolma-qol aqsha tabyldy. Qarý-jaraq jappai tártipsizdikter kezinde urlanǵan bolýy múmkin. Derek boiynsha Medeý aýdandyq Politsiia basqarmasynda QR QK-niń 287-baby 2-bóligi boiynsha sotaldy tergeý amaldary bastaldy", - dedi Almaty qalasy boiynsha QAJD SI-18 jedel jumys jónindegi bastyqtyń orynbasary Azamat Amanjolov.
