Almatylyq politseiler qariiany kólik turaǵynda soqqyǵa jyqqan buzaqyny ustady, dep habarlaidy "Ult aqparat".
Túrksib aýdandyq politsiia basqarmasynyń málimetinshe, Almatyda er adam qariia úiiniń janynda itpen serýendep júrgen kezinde uryp ketken. Oqiǵa J.Moldaǵaliev kóshesinde bolǵan.
«Egde adam itpen tańǵy saǵat altylar shamasynda serýendep júrgen kezinde iti kólik turaǵyna qarai júgirgen. Ittiń sońynan ergen ol kenetten soqqyny sezgen, belgisiz sebeptermen beitanys bireý basynan uryp, jaǵyn syndyryp, oqiǵa ornynan qashyp ketken. Qart adam jaraqattan qulap, biraz ýaqyt trotýarda qansyrap jatyp qalǵan. Ótip bara jatqan adamdardyń biri taiaq jegen adamdy baiqap, oǵan jedel járdem jáne politsiiany shaqyrǵan. Jábirlenýshi qashyp ketken er adamnyń kóliginiń markasyn aita almady. Biraz ýaqyttan keiin aýdannyń ýchaskelik politsiia qyzmetkerleri kúdiktini anyqtady. Ol ustalyp, kinásin moiyndady», - dedi Túrksib aýdandyq politsiia basqarmasynyń bastyǵy Erkin Amantaev.
Qazirgi ýaqytta kúdiktige qatysty Qazaqstan Respýblikasy Qylmystyq kodeksiniń 107-baby (Densaýlyqqa qasaqana aýyrlyǵy ortasha ziian keltirý) boiynsha qylmystyq is qozǵaldy.
