Almatyda Naýryzbai jáne Alataý aýdandary arqyly aǵyp jatqan Qarǵaly ózenindegi kópir astyna muz jinalyp qaldy. Bul jeke úiler men Raiymbek dańǵylyn sý basý qaýpine ákeldi, dep habarlaidy "Ult aqparat".
Almaty qalalyq qutqarý qyzmetiniń málimetinshe, kópir qurylymdaryndaǵy muz keptelisi aýa temperatýrasynyń jylynýyna bailanysty paida bolǵan.
«Almaty qalasynyń qutqarý qyzmeti úsh kún boiy sý tasý qaýpin joiýmen ainalysyp jatyr. Bul jumystarǵa arnaiy alty tehnika men jeke quramnyń 10 adamy jumyldyryldy. Tabiǵi qubylys saldarynan ártúli jaǵdai týyndaidy. Sondyqtan barlyq ózender mamandar men qala ákimdiginiń erekshe baqylaýynda bolady «, - dep habarlady vedomstvadan.
