Almatyda qarasha aiynda koronavirýstan 36 adam kóz jumdy. Bul týraly búgin qalalyq Qoǵamdyq densaýlyq saqtaý basqarmasy basshysynyń mindetin atqarýshy Janar Madeeva onlain brifing barysynda aitty, dep habarlaidy "Ult aqparat".
«Osy aida koronavirýs juqtyrǵan 36 naýqas kóz jumdy. Olardyń ishinde 10 adam 65 jasqa deiin bolsa, 25 naýqas 65 jastan asqan azamattar. Osy naýqastardyń 8-i ǵana emhanaǵa aýrýdyń 7-táýliginde kelgen. Qalǵan 28-i 10 kúnnen asqanda keldi. 19 naýqas úide týystarynyń aitýymen emdelgen. Olardyń barlyǵynda qosarly sozylmaly diagnozdary bolǵan. Asa aýyr halde jatqan naýqastardyń jasy 57 men 83 jas aralyǵynda», - dedi Janna Madeeva.
Onyń aitýynsha, qalada kúnine 40 adamnan simptomsyz koronavirýs tabylady.
«Al infektsiialyq statsionarlarda 257 adam, onyń ishinde 15 bala emdelip jatyr. Olardyń 20-sy asa aýyr halde, 65 adam aýyr halde, 230 adamnyń jaǵdaiy ortasha dárejede. Jansaqtaý bóliminde 29 patsient jatyr. Ókpeni jasandy jeldetý apparatyna 3 adam qosylǵan», - dedi Janna Madeeva.
Búginde zerthanalyq taldaýmen rastalǵan 442 adam úiinde oqshaýlanǵan.
Pandemiia bastalǵaly beri Almatyda 15 876 adamnan koronavirýs tabyldy. Onyń ishinde 14 740 adam jazylyp shyqty, 323 adam qaitys boldy.
