الماتىدا قاراشا ايىندا كوروناۆيرۋستان 36 ادام كٶز جۇمدى. بۇل تۋرالى بٷگٸن قالالىق قوعامدىق دەنساۋلىق ساقتاۋ باسقارماسى باسشىسىنىڭ مٸندەتٸن اتقارۋشى جانار مادەەۆا ونلاين بريفينگ بارىسىندا ايتتى, دەپ حابارلايدى "ۇلت اقپارات".
«وسى ايدا كوروناۆيرۋس جۇقتىرعان 36 ناۋقاس كٶز جۇمدى. ولاردىڭ ٸشٸندە 10 ادام 65 جاسقا دەيٸن بولسا, 25 ناۋقاس 65 جاستان اسقان ازاماتتار. وسى ناۋقاستاردىڭ 8-ٸ عانا ەمحاناعا اۋرۋدىڭ 7-تەۋلٸگٸندە كەلگەن. قالعان 28-ٸ 10 كٷننەن اسقاندا كەلدٸ. 19 ناۋقاس ٷيدە تۋىستارىنىڭ ايتۋىمەن ەمدەلگەن. ولاردىڭ بارلىعىندا قوسارلى سوزىلمالى دياگنوزدارى بولعان. اسا اۋىر حالدە جاتقان ناۋقاستاردىڭ جاسى 57 مەن 83 جاس ارالىعىندا», - دەدٸ جاننا مادەەۆا.
ونىڭ ايتۋىنشا, قالادا كٷنٸنە 40 ادامنان سيمپتومسىز كوروناۆيرۋس تابىلادى.
«ال ينفەكتسييالىق ستاتسيونارلاردا 257 ادام, ونىڭ ٸشٸندە 15 بالا ەمدەلٸپ جاتىر. ولاردىڭ 20-سى اسا اۋىر حالدە, 65 ادام اۋىر حالدە, 230 ادامنىڭ جاعدايى ورتاشا دەرەجەدە. جانساقتاۋ بٶلٸمٸندە 29 پاتسيەنت جاتىر. ٶكپەنٸ جاساندى جەلدەتۋ اپپاراتىنا 3 ادام قوسىلعان», - دەدٸ جاننا مادەەۆا.
بٷگٸندە زەرتحانالىق تالداۋمەن راستالعان 442 ادام ٷيٸندە وقشاۋلانعان.
پاندەمييا باستالعالى بەرٸ الماتىدا 15 876 ادامنان كوروناۆيرۋس تابىلدى. ونىڭ ٸشٸندە 14 740 ادام جازىلىپ شىقتى, 323 ادام قايتىس بولدى.
