Almaty qalasy Medeý aýdany ákiminiń orynbasary Berik Soltanbaev onlain brifing barysynda karantin rejimin jii buzatyn mekemelerge toqtaldy, dep habarlaidy "Ult aqparat".
Berik Soltanbaev qala ákiminiń tapsyrmasyna sáikes karantin rejimin jáne sanitarlyq-epidemiologiialyq talaptardyń buzylýyn anyqtaý boiynsha monitoring toptardyń jumysy kúsheitilgenin atap ótti.
Medeý aýdanynda 4 mobildi top bar. Olar 9 qazannan beri 472 nysanǵa tekserý júrgizdi. Nátijesinde 401 mekemeniń jumysy toqtatylyp, 89 kafe men klýbtan kelýshiler shyǵaryldy.
«Tyiym salynǵanyna qaramastan, buqaralyq is-sharalar jalǵasýda. Bul infektsiianyń taralý qaýpine ie. Mysaly, 17 qazanda «Qazaqstan» qonaq úiindegi «Grand Ballroom Almaty» banket zalynda úilený toiynyń ótip jatqany anyqtaldy. Mobildi top, toidy toqtatyp, qanaqtardy shyǵardy. Onda shamamen 80 adam bolǵan. Osy demalys kúnderi eki meiramhanada 50-den astam adamǵa arnalǵan toi-tomalaq ótti. Biz meiramhanalardyń jumysyn dereý toqtattyq», - deidi spiker.
Sondai-aq, 6-8 qarasha aralyǵynda aýdanda 12 mobildi top jumys jasady. Eki kúnniń ishinde 104 nysan tekserilip, onyń 93-i jabylǵan. Basqa 11 mekemede zań buzýshylyqtar anyqtalyp, qonaqtar shyǵaryldy.
