Almatyda karantin rejimine qaramastan, eki massaj ortalyǵy jumys istep kelgen, dep habarlaidy "Ult aqparat".
Kriminaldyq politsiia karantin kezinde jumysyna tyiym salynǵanyna qaramastan, qyzmet kórsetip kelgen massaj salondaryn anyqtady.
«Medeý aýdany aimaǵynda massaj salony anyqtaldy. Onda 19 jastan asqan qyzdar klientterge intimdik qyzmet kórsetken. Olar karantindik tyiymǵa qaramastan, túngi ýaqytta jumys istegen. 16 áiel adam men salon ákimshileri shara qoldaný úshin aýdandyq politsiia basqarmasyna jetkizildi. Materialdar QR ÁQbK-niń 425-babyna sáikes jinaldy. Sonymen qatar jezókshelikpen ainalysýǵa oryn bergen massaj salonynyń ielerine qatysty bólek sot isi júrgizildi», – deidi Almaty qalalyq Politsiia departamenti kriminaldyq politsiia basqarmasynyń bastyǵy Erkin Ińkárov.
Budan bólek, politsiia bir táýlik ishinde karantin rejimin buzýdyń 153 faktisin anyqtaǵan. Jalpy, monitoringilik toptar qabyldaǵan sharalardyń nátijesinde 2271 adam ákimshilik jaýapkershilikke tartyldy. Onyń 2 203-i – jeke tulǵa, 68 – zańdy tulǵa.
