Almatyda demalys kúnderi karantin sharalarynyń kúsheitilýine bailanysty birneshe jol jabylady, – dep habarlaidy Polisia.kz.
«Almaty qalasynyń bas memlekettik sanitarlyq dárigeriniń «Qazaqstan Respýblikasynyń turǵyndary arasynda koronavirýstyq infektsiianyń aldyn alý jónindegi is-sharalardy odan ári kúsheitý týraly» qaýlysyna sáikes demalys kúnderi (senbi jáne jeksenbi) 2020 jyldyń 17 shildesinen bastap arnaiy tapsyrysqa deiin senbi kúni tańerteńgi saǵat 07.00-den dúisenbi kúni saǵat 07:00-ge deiin Ulttyq tabiǵi saiabaqtarǵa aparatyn joldarda (Medeý, Shymbulaq, Alma-Arasan), kóliktiń barlyq túrleri men adamdardyń ótýine, kórsetilgen aimaqtardyń turǵyndaryn qospaǵanda, qozǵalys shekteledi», – dep habarlady qala politsiiasy.
«Osyǵan qarai, Almaty qalasynyń politsiiasy sizderdi baǵyttaryńyzdy aldyn-ala túzetip, taýda shyǵýdy onyń ishinde jaiaý serýendeýden aýlaq bolýǵa shaqyrady»,-delingen habarlamada.
