Sanitarlyq-epidemiialyq sharalardyń saqtalýyna baqylaýdy kúsheitý aiasynda Almatyda monitoring toptardyń jumysy jalǵasýda, dep habarlaidy QazAqparat tilshisi.
Almatyda monitoringtik toptardyń ókilderi aqpan aiynyń 3 kúni karantin sharalaryn buzǵan 22 nysandy anyqtady. Onyń 7-ýi zańdy jáne 15 jeke tulǵa.
« Áýezov aýdanynda ornalasqan «Miata» laýndj bar belgilengen ýaqyttan uzaq jumys istedi. Bostandyq aýdanynda «Imperiia» saýnasy, Almaly aýdanynda «Panda» meiramhanasyna kelýshilerdiń sany shamadan tys bolǵan. Sonymen qatar, qyzmetkerler qonaqtarǵa betperdesiz qyzmet kórsetken. Dál sondai buzýshylyq «Starbucks» kofehanasynda da anyqtaldy. Sondai-aq, «Z bar and live music» bary, «Lotto» klýby karantin sharalaryn buzǵan»,- delingen habarlamada.
Almaty qalasynyń sanitariialyq-epidemiologiialyq baqylaý departamenti barlyq tyiymdar men sanitariialyq normalardy saqtamaǵan turǵyndarǵa aiyppul salynatynyn eskertedi.
