Áleýmettik jelide Almaty oblysyna qarasty bir aýrýhanynyń dárigerleri dámhanada bas qosyp, kesh uiymdastyrǵany týraly video paida boldy, - dep habarlaidy "Ult aqparat".
Video "BESsimptomno" Telegram-kanalynda jariialandy. Beinejazbada «Kerýen» kafesin tekserýge kelgender jazǵy alańda jaiylǵan dastarhandy kórgen, alaida adamdar bolmaǵan.
«Anyqtalǵandai, demalyp otyrǵan adamar kabinkalarǵa bólinip ketken, al qalǵany artqy esik arqyly ormanǵa jáne jolǵa qashyp shyqqan. Karantin rejimin buzǵan Almaty oblysy Ile aýdanyndaǵy Ortalyq aýdandyq aýrýhananyń qyzmetkerleri bolyp shyqty», – delingen «BESsimptomno» Telegram-kanalynda.
Taýarlar men kórsetiletin qyzmetterdiń sapasy men qaýipsizdigin baqylaý basqarmasynyń habarlaýynsha, tekserý barysynda dárigerler tarapynan karantindi buzý anyqtalǵan joq - fakt rastalmady.
