Karantin erejeleriniń kúsheitilýi qaladaǵy epidemiologiialyq jaǵdaiǵa bailanysty. Bul týraly Almaty qalasynyń bas memlekettik sanitarlyq dárigeri Jandarbek Bekshin aitty, dep habarlaidy QazAqparat.
Onyń aitýynsha, elimizde tótenshe jaǵdai rejimi aiaqtalyp, Almatyda kezeń-kezeńmen kásiporyndar men uiymdar jumysyn qaita bastady.
«Karantindik rejimge ótkennen keiin biz infektsiianyń odan ári taralmaýy úshin qala turǵyndarynan saqtyq sharalarynyń qadaǵalanýyn suradyq. Eger virýs juqtyrǵandar sany ary qarai tirkele beretin bolsa, biz saqtyq sharalaryn qaita qaraimyz jáne eske salýdy jalǵastyra beremiz», - dedi ol.
Sondai-aq, ol kóptegen elderde qatań sharalar qabyldanǵanyn arqasynda jaǵdaidyń birqalypty bola bastaǵanyn atap ótti.
«Bizdiń tarapymyzdan da sharalar qoldanylýda. Biz qyzmettiń barlyq baǵyttary - saýda, tamaqtaný, bilim, ónerkásip jáne qurylys, mádeniet jáne sport boiynsha qajetti nusqaýlyqtardy jasadyq. Biz ákimshiliktiń ózi jáne osy uiymdarda jumys isteitin adamdardyń ózderin, otbasy múshelerin jáne basqalardy qorǵaýǵa múmkindik beretin nusqaýlyqtar ázirledik», - deidi Jandarbek Bekshin.
Aita keteiik, búginde Almatyda koronavirýs juqtyrǵandardyń sany 2 939-ǵa jetti, olardyń 1 929-y jazyldy, 10 adam qaitys boldy.
