Almatyda 20 shildeden bastap karantin kúsheitildi. Búgin Elektrondy úkimet portalynda Almaty qalalyq bas sanitarlyq dárigeriniń qaýlysy shyqty, dep habarlaidy "Ult aqparat".
Qalanyń Bas memlekettik sanitarlyq dárigeri Jandarbek Bekshin niń qaýlysyna sáikes Almaty qalasynyń aýmaǵynda 2020 jyldyń 20 shildesi saǵat 00.00-den bastap qatań shekteý sharalary engiziledi.
Qalaaralyq avtobýs tasymaly toqtatylady. Qala mańyna qatynaityn avtobýstaǵy jolaýshy sany 50%-dan aspaýy tiis. Qalalyq qoǵamdyq kóliktiń, onyń ishinde Metropolitenniń 50%-dan aspaityn toltyrylýymen jumysyn qamtamasyz etý júktelgen.
Senbi jáne jeksenbi kúnderi qaladaǵy qoǵamdyq kólik, qala mańyna qatynaityn avtobýs, metropoliten jumysy tolyq toqtatylady.
Qoǵamdyq kólik árbir reis saiyn dezinfektsiia jasaý qamtamasyz etilýi tiis.
Tómendegi sharalarǵa tyiym salynady:
- menshik nysanyna qaramastan barlyq uiymdarda jinalys, keńes, konferentsiia, forým, seminar, sezd, kórme, trening, oqytý kýrsy jáne adam kóp jinalatyn basqa da is-sharalardy, sondai-aq otbasylyq sharalardy (banket, úilený toiy, mereitoi, eske alý t.b.), sonyń ishinde úide jáne dalada adam kóp jinalatyn basqa da is-sharalardy ótkizýge tyiym salynady;
- mádeniet obektiler, murajailar, teatr, kórme jáne adamdar kóp jinalatyn basqa da obektilerdiń qyzmetine tyiym salynady;
- dini nysandar (meshit, shirkeý, sinagoga jáne t. b.) qyzmetin toqtatylady;
- balalar lageri, bilim berý ortalyqtary, balalardyń túzetý kabinetteri, mektepke deiingi balalar mekemeleriniń (kezekshi toptardan basqa), balalardyń qosymsha oqytý oryndarynyń qyzmetine tyiym salynady;
- Ulttyq olimpiadalyq komitet akkredittegen sport bazalaryn sanamaǵanda, barlyq sport nysagdarynyń (sport alańy, keshen, úiirme, sektsiia, bassein jáne t. b.) qyzmetine tyiym salynady;
- qalanyń tynys-tirshiligin qamtamasyz etetin uiym men kásiporyn qyzmetkerleriniń turatyn obektisin qospaǵanda, kúsheitilgen sanitarlyq-dezinfektsiialyq rejimdi saqtai otyryp, halyqtyń (qonaq úi, demalys úii, týristik baza jáne t.b.) turýy boiynsha qyzmet kórsetý salasyndaǵy týrizm obektileri men uiymdardyń qyzmetine ruqsat berý. Osy nysandardy meditsinalyq uiym etip qaita beiindeýge jol beriledi;
- 65 jastan asqan adamdardyń qozǵalysyn shekteledi;
- kóliktiń kez kelgen túrimen ulttyq saiabaqtardyń, tanymal týristik jáne taý nysandarynyń (Medeý, Býtakovka, Alma-Arasan, onyń ishinde radon bulaǵy) aýmaǵyna barýǵa tyiym salynǵan. Demalys kúnderi (senbi jáne jeksenbi) ulttyq saiabaq jabyq. Jaiaý serýendeýge tek jumys kúnderi kelesi erejelerdi saqtai otyryp ruqsat etiledi: tamaq (sýsynnan basqa) alyp ótýge, piknik jasaýǵa jáne ot jaǵýǵa úzildi-kesildi tyiym salynady; parktiń aýmaǵynda úsh adamnan astam toptanýǵa tyiym salynǵan. Áleýmettik qashyqtyq, sanitariialyq talapty saqtaý.
- 3 adamnan aspaityn jeke nemese bir otbasy múshelerin qospaǵanda, tabiǵatqa ekskýrsiialyq, korporativtik, toptanyp barýǵa tyiym salynǵan;
- saýda-oiyn-saýyq ortalyqtarynyń, saýda úileriniń, saýda jelileriniń, olarda ornalasqan azyq-túlik sýpermarketterin, dárihanalardy jáne jazǵy terrassalary men jeke kiretin esigi bar statsionarlyq tamaqtaný obektilerinen basqalardyń qyzmetine tyiym salynady;
- oiyn-saýyq mekemeleriniń (karaoke, kalian, biliard, kompiýter klýby, býkmekerlik keńse, túngi klýb, boýling, attraktsion, balalardyń oiyn alańdary, batýt jáne basqalar), kinoteatrlar qyzmetine tyiym salynǵan;
- fýdkorttar, banket zaldarynyń qyzmetine tyiym salynady;
- kúsheitilgen sanitariialyq-dezinfektsiialyq rejimdi saqtai otyryp, ujymdyq is-sharalardy ótkizbei, ashyq aýada 30 otyratyn orynnan aspaityn qoǵamdyq tamaqtaný obektisiniń qyzmetine ruqsat berilgen, jumysy saǵat 22.00-ge deiin shekteledi. Taǵamdy alyp ketýge jáne jetkizýge ruqsat etiledi;
- kosmetikalyq jáne kosmetologiialyq qyzmet kórsetetin SPA-ortalyqtardyń, trenajer zalynyń, fitnes-ortalyqtyń, sporttyq-saýyqtyrý ortalyǵynyń, bassein, jaǵajaidyń, akvapark, qoǵamdyq monshanyń, saýnanyń, sulýlyq salonynyń, shashtaraz, manikiýr men pedikiýr qyzmetiniń, massaj kabinetiniń qyzmetine tyiym salynady;
- jabyq azyq-túlik jáne azyq-túlik emes bazarlary jumys istemeidi;
- jetkizýdi qospaǵanda, aýdany 500 sharshy metrden úlken azyq-túlik emes dúkenderdiń qyzmetine tyiym salynǵan.
Tómendegi qyzmet uiymdaryna ruqsat beriledi:
- QR Ulttyq bankiniń jáne QR Qarjy naryǵyn retteý jáne damytý agenttiginiń aktisine sáikes ýaqyty men sany boiynsha shekteýli Qarjy naryǵy sýbektileriniń qyzmetine ruqsat berý;
- qyzmetkerlerdiń keminde 50%-yn qashyqtan jumys rejimine aýystyra otyryp jáne kúsheitilgen sanitariialyq-dezinfektsiialyq rejimdi saqtai otyryp, onlain formatta barynsha qyzmet kórsete otyryp, Halyqqa qyzmet kórsetý ortalyqtarynyń jumysyn saǵat 09.00-den 16.00-ge deiin uiymdastyrý;
- kúsheitilgen sanitariialyq-dezinfektsiialyq rejimdi saqtai otyryp, onlain rejimde kórsetilmeitin qyzmetter úshin jumys kúnderi saǵat 8.00-den 14.00-ge deiin jumys kestesin belgilei otyryp, «Qazposhta» AQ jumysyn uiymdastyrý;
- úzdiksiz óndiristik tsikli bar ónerkásiptik kásiporyndardyń qyzmeti; kúsheitilgen sanitariialyq-dezinfektsiialyq rejimdi saqtai otyryp, ashyq aýadaǵy qurylys jumystary;
- kúsheitilgen sanitariialyq-dezinfektsiialyq rejimdi saqtai otyryp, halyqqa bailanyssyz qyzmet kórsetý jónindegi obektilerdiń (avtomobil jýý, avtomobilderdi, turmystyq tehnikany jóndeý, himiialyq tazalaý jáne basqalar) qyzmetin saǵat 10:00-den 17:00-ge deiin shekteý;
- jumys jáne demalys kúniniń kestesin belgilei otyryp, biznes ortalyqtardyń (saqtandyrý kompaniialary, notariýs, býhgalter jáne konsalting, jyljymaityn múlik jónindegi agenttikter, jarnama agenttikteri jáne t. b.), aiyrbastaý pýnktiniń, lombardtyń jumysyn saǵat 9.00-den 17.00-ge deiin uiymdastyrý;
- aimaqtaý talaptaryn jáne kúsheitilgen sanitariialyq-dezinfektsiialyq rejimdi saqtai otyryp, meditsinalyq ortalyqtardyń (jazba boiynsha) qyzmetine ruqsat berý;
- kúsheitilgen sanitariialyq-dezinfektsiialyq rejimdi saqtai otyryp, dárihanalardyń, azyq-túlik dúkenderiniń (shaǵyn marketter, sýpermarketter, gipermarketter), azyq-túlik jáne azyq-túlik emes bazarlardyń (ǵimarattardan tys) qyzmetine ruqsat berý.
- tehnikalyq jáne meditsinalyq ottegin óndirýshiler qalalyq aýrýhanalardy úzdiksiz meditsinalyq ottegimen jabdyqtaýda birinshi kezekte jáne basymdyqty qamtamasyz etsin.
- keminde 80% qyzmetkerin qashyqtyqtan jumys nysanyna aýystyrý (shtat birliginde qyzmetkeri 30-dan asatyn bolsa);
- áleýmettik qashyqtyqty jáne kúsheitilgen sanitariialyq-dezinfektsiialyq rejimdi saqtaý, aimaqtarǵa bólý talaptaryn saqtai otyryp, aldyn ala jazylý boiynsha qyzmetter kórsetý;
- ashyq aýada jeke jattyǵýlarǵa ruqsat;
- óńirler arasynda jeke avtokóliktiń júrip-turýyna ruqsat berý.
Qala turǵyndaryna jumys jáne qoǵamdyq oryndarda (saýda obektileri, kóshe, saiabaq, áýejai jáne t. b.), qoǵamdyq kólikte maska rejimin jáne áleýmettik qashyqtyqty saqtaýy qajet;
Týǵan kún, mereitoi, toi sekildi kóp adam shaqyrylatyn kez kelgen sharany ótkizýge tyiym salynady.
Osy qaýly 21 shildede 00 saǵat 00 minýttan bastap kúshine enedi.
