- Almatyda politsiia qyzmetkerlerine shabýyl jasaǵan atyshýly Rýslan Kúlekbaev pen onyń 5 sybailasy sotqa jiberildi, dep habarlaidy QazAqparat Almaty qalasy prokýratýrasynyń saityna silteme jasap.
Qala prokýratýrasynyń saittaǵy málimetterine qaraǵanda, QR Bas prokýratýrasynyń vedomstvoaralyq tergeý toby arnaiy prokýrordyń basshylyǵymen Almatyda 2016 jyldyń 18-shildesi kúni bolǵan terroristik aktke bailanysty qylmystyq is boiynsha sot aldyndaǵy tergeý jumystary aiaqtady.
Kúlekbaev birneshe qanquily tonaý jáne qaraqshylyq áreketterge qatysty bolyp otyr.
Tergeý amaldary bastalǵan alǵashqy kúnnen bastap-aq qala prokýrory qadaǵalaý jumystarynyń tiimdi bolýyn qamtamasyz etý úshin protsessýaldy prokýrorlar tobyn qurdy. Olar tergeý jumystarynyń barynsha qysqa merzimde aiaqtalýyna yqpal etti.
Tergeý toby 57 sot saraptamasy men zertteýler júrgizdi jáne bolǵan oqiǵanyń barlyq jáitterin anyqtaý maqsatynda 200-den astam kýágerler men oqiǵany kórgen adamdardy tergedi.
2016 jyldyń 12 qazanynda 60 tomnan turatyn qylmystyq istiń materialdaryn zertteý nátijesi boiynsha, sotqa Kúlekbaev pen ózge de azamattar joldandy.
R.Kúlekbaevqa nátijesi 8 quqyq qorǵaý jáne arnaiy organdardyń qyzmetkerleriniń jáne 2 beibit turǵynnyń ólimine alyp kelgen terroristik akt jasady degen aiyp taǵyldy. Sonymen qatar ol 3 beiibit turǵyndy óltirmek boldy dep aiyptalyp otyr.
Sondai-aq R.Kúlekbaevpen birge sotqa atys qarýyn zańsyz saqtap, ózimen birge alyp júrip, daiyndap, R.Kúlekbaevpen birge M. atty kásipkerdiń úiine qaraqshylyq shabýyl uiymdastyrǵan R.Liý, J.Saparbekov, D.Ásembekuly, E.Qusaiynov, N.Ábdimomyn da sotqa berildi.
Qylmystyq is Almaty qalasynyń qylmystyq ister jónindegi arnaiy mamandandyrylǵan aýdanaralyq sotyna joldandy.
