Almatyda qańtardaǵy jappai tártipsizdik kezinde tergeý izoliatoryna 500-ge jýyq kúdikti jetkizilgen, dep habarlaidy QazAqparat.
Almaty qalalyq politsiia departamentinde málim etkendei, qamalǵandardyń arasynda kámelettik jasqa tolmaǵan tórt bala da bolǵan, qazir onyń ekeýi shyǵaryldy. Qamalǵandardyń jartysy eshqaida ketpeý týraly qolhatpen bosatyldy. Qazir qańtar oqiǵasy kezinde tártipsizdikterge qatysqan 250 adam qamaýda otyr. Tergeý qamaýyndaǵylardyń kóbisi turmystyq tehnika urlaǵandar men maroderlikpen ainalysqandar.
«Tutqyndardyń jaqyndarymen kezdesýi Almaty qalalyq prokýratýrasymen birlese otyryp júzege asyryldy. Jalǵan aqparattarǵa jol bermeý úshin Adam quqyǵyn qorǵaý jónindegi ýákil, prokýratýra, májilis depýtattary únemi tekseris júrgizip otyrady. Qamaýdaǵylardyń keibireýi týystarymen nemese qorǵaýshylarymen ekinshi ret kezdesse, keibireýleri alǵash ret júzdesip otyr. Kúdiktilerge aptasyna eki ret kezdesýge ruqsat etilgen», – dedi LA-155/18 mekemesiniń bastyǵy Áset Jumadiev.
Sondai-aq, politsiiada kezdesýge kelgender qamaýdaǵy týystarynyń tamaqtaný jáne ustaý jaǵdaiyn surap, qanaǵattanarlyq jaýap alǵany týraly habarlady.
