الماتىدا قاڭتارداعى جاپپاي تەرتٸپسٸزدٸك كەزٸندە تەرگەۋ يزولياتورىنا 500-گە جۋىق كٷدٸكتٸ جەتكٸزٸلگەن, دەپ حابارلايدى قازاقپارات.
الماتى قالالىق پوليتسييا دەپارتامەنتٸندە مەلٸم ەتكەندەي, قامالعانداردىڭ اراسىندا كەمەلەتتٸك جاسقا تولماعان تٶرت بالا دا بولعان, قازٸر ونىڭ ەكەۋٸ شىعارىلدى. قامالعانداردىڭ جارتىسى ەشقايدا كەتپەۋ تۋرالى قولحاتپەن بوساتىلدى. قازٸر قاڭتار وقيعاسى كەزٸندە تەرتٸپسٸزدٸكتەرگە قاتىسقان 250 ادام قاماۋدا وتىر. تەرگەۋ قاماۋىنداعىلاردىڭ كٶبٸسٸ تۇرمىستىق تەحنيكا ۇرلاعاندار مەن مارودەرلٸكپەن اينالىسقاندار.
«تۇتقىنداردىڭ جاقىندارىمەن كەزدەسۋٸ الماتى قالالىق پروكۋراتۋراسىمەن بٸرلەسە وتىرىپ جٷزەگە اسىرىلدى. جالعان اقپاراتتارعا جول بەرمەۋ ٷشٸن ادام قۇقىعىن قورعاۋ جٶنٸندەگٸ ۋەكٸل, پروكۋراتۋرا, مەجٸلٸس دەپۋتاتتارى ٷنەمٸ تەكسەرٸس جٷرگٸزٸپ وتىرادى. قاماۋداعىلاردىڭ كەيبٸرەۋٸ تۋىستارىمەن نەمەسە قورعاۋشىلارىمەن ەكٸنشٸ رەت كەزدەسسە, كەيبٸرەۋلەرٸ العاش رەت جٷزدەسٸپ وتىر. كٷدٸكتٸلەرگە اپتاسىنا ەكٸ رەت كەزدەسۋگە رۇقسات ەتٸلگەن», – دەدٸ لا-155/18 مەكەمەسٸنٸڭ باستىعى ەسەت جۇماديەۆ.
سونداي-اق, پوليتسييادا كەزدەسۋگە كەلگەندەر قاماۋداعى تۋىستارىنىڭ تاماقتانۋ جەنە ۇستاۋ جاعدايىن سۇراپ, قاناعاتتانارلىق جاۋاپ العانى تۋرالى حابارلادى.
