Almaty qalasy boiynsha qylmystyq-atqarý júiesine qarasty tergeý izoliatoryna QR Parlament Májilisi, Almaty qalasy máslihatynyń depýtattary, advokattar men ardagerler keldi, dep habarlaidy QazAqparat.
Parlament májilisiniń depýtattary A. Linnik, A. Qojahmetov, B. Dúisenbinov, G. Bijanova, V. Nabiev, N. Razzaq, Almaty qalasy máslihatynyń depýtaty A. Abylkasimova, advokattar J.Saparhanova men N.Jazylbekov tergeý izoliatorynyń rejimdik korpýstarynda bolyp, kúdiktilerdiń jai-kúiin kórip shyqty.
Tergeý izoliatoryna kelgen depýtattar men advokattarǵa Almaty qalasy prokýrorynyń orynbasary N. Aýǵanbaev pen Almaty qalasy boiynsha qylmystyq-atqarý júiesi departamentiniń bastyǵy D. Qanatbekov LA-155/18 mekemeniń (tergeý izoliatory) qyzmetin uiymdastyrý jáne qańtar oqiǵasy kezinde qamalǵandardy tergep-tekserý tártibi jaily aqparat berdi.
Májilis depýtattary tergeý izoliatoryndaǵy tekserýden soń, qańtar oqiǵasyna qatysty ustalǵan 11 kúdiktini jeke qabyldap, ótinishterin tyńdady.
Ustalǵandardy jeke qabyldaý kezinde mekemedegi ustaý jaǵdaiyna, onyń ishinde azaptaýǵa qatysty shaǵymdary bolǵan joq.
