Almaty qalasy prokýratýrasynyń vedomstvoaralyq tergeý-jedel toby politsiia qyzmetkerlerine, arnaýly jáne áskeri bólimshelerge, sondai-aq ákimshilik ǵimarattarǵa shabýyl jasalǵan jappai tártipsizdik faktisi boiynsha qylmystyq isti tergep jatyr, dep habarlaidy "Ult aqparat".
Sotqa deiingi tergep-tekserý tártipsizdikterge belsendi qatysqan Almaty qalasynyń 4 turǵynyn, sonyń ishinde bir kámeletke tolmaǵan adamdy anyqtady.
Bul adamdar 5 qańtar kúni qalada «Lexus gs300» avtokóligimen júrip, basqa qylmyskerlermen birge «Anna» qarý-jaraq dúkenin tonaǵan.
Urlanǵan qarýlardy sol kólikpen Respýblika alańyna jetkizip, tártipsizdikke qatysýshylarǵa taratqan (beinejazba qosa beriledi).
Odan bólek, Almaty qalasy men Almaty oblysynyń 5 turǵyny anyqtalyp, ustaldy. Olar 5 qańtarda Almaty kóshelerinde «Gazel» avtokóligimen kele jatyp, ótip bara jatqan tártipsizdikterge qatysýshylarǵa ózderi aldyn ala daiyndaǵan temir shybyqtardy taratqan (beinejazba qosa beriledi).
Keiin qylmystyq jaýaptylyqtan qutylý maqsatynda joǵaryda atalǵan qylmyskerler keibir syrtqy bólshekterin boiaý arqyly avtokólikti ózgertý boiynsha sharalar qabyldaǵan.
Sot 8 ustalǵanǵa qatysty 2 ai merzimge «kúzetpen ustaý» túrindegi bultartpaý sharasyn sanktsiialady.
Kámeletke tolmaǵan adam ata-anasynyń jeke kepilgerligimen bosatyldy.
Búgingi kúni tergeý jalǵasyp jatyr. Olardyń jappai tártipsizdikter kezinde basqa da qylmystardy jasaýǵa qatysy bar-joǵy anyqtalyp jatyr.
