Almatyda túnimen qar jaýdy. Tazalaý jumystaryna arnaiy tehnikalar jumyldyryldy, - dep habarlaidy «Ult aqparat».
Túnde qalaǵa qalyńdyǵy 12 sm qar tústi, al taý etegindegi aýdandarda onyń qalyńdyǵy 25 santimetrge deiin jetti.
Kommýnaldyq qyzmetter qar jaýǵannan bastap jolǵa taiǵaqqa qarsy materialdar sebýde.
«Túnde kóktaiǵaqqa qarsy materialdar sebildi, qar jaýǵan kezde tógilgeni 4090 tonna. 530 arnaiy tehnika jumyldyryldy, onyń ishinde 201 qumsepkish tehnikasy bar. 327 jumysshy qar tazalady»,- delingen qalalyq kommýnaldyq qyzmettiń habarlamasynda.
Tańnan beri qalada 540 tehnika men 1457 jol jumysshysy qar tazalaýda. Qalanyń joǵary ornalasqan aýdandarynda arnaiy tehnikalar joldyń qozǵalys bóligindegi qardy syrtqa shyǵaryp jatyr.
23 jeltoqsanǵa deiin boljanǵan qardyń túsýine bailanysty qar tazartý jumystaryn baqylaý úshin aýdan ákimdikteri men qala ákimdiginde táýlik boiy kezekshilik uiymdastyryldy.
