الماتىدا تٷنٸمەن قار جاۋدى. تازالاۋ جۇمىستارىنا ارنايى تەحنيكالار جۇمىلدىرىلدى, - دەپ حابارلايدى «ۇلت اقپارات».
تٷندە قالاعا قالىڭدىعى 12 سم قار تٷستٸ, ال تاۋ ەتەگٸندەگٸ اۋدانداردا ونىڭ قالىڭدىعى 25 سانتيمەترگە دەيٸن جەتتٸ.
كوممۋنالدىق قىزمەتتەر قار جاۋعاننان باستاپ جولعا تايعاققا قارسى ماتەريالدار سەبۋدە.
«تٷندە كٶكتايعاققا قارسى ماتەريالدار سەبٸلدٸ, قار جاۋعان كەزدە تٶگٸلگەنٸ 4090 توننا. 530 ارنايى تەحنيكا جۇمىلدىرىلدى, ونىڭ ٸشٸندە 201 قۇمسەپكٸش تەحنيكاسى بار. 327 جۇمىسشى قار تازالادى»,- دەلٸنگەن قالالىق كوممۋنالدىق قىزمەتتٸڭ حابارلاماسىندا.
تاڭنان بەرٸ قالادا 540 تەحنيكا مەن 1457 جول جۇمىسشىسى قار تازالاۋدا. قالانىڭ جوعارى ورنالاسقان اۋداندارىندا ارنايى تەحنيكالار جولدىڭ قوزعالىس بٶلٸگٸندەگٸ قاردى سىرتقا شىعارىپ جاتىر.
23 جەلتوقسانعا دەيٸن بولجانعان قاردىڭ تٷسۋٸنە بايلانىستى قار تازارتۋ جۇمىستارىن باقىلاۋ ٷشٸن اۋدان ەكٸمدٸكتەرٸ مەن قالا ەكٸمدٸگٸندە تەۋلٸك بويى كەزەكشٸلٸك ۇيىمداستىرىلدى.
