Qardyń qalyń túsýine bailanysty Almatynyń ár aýdanynda aǵashtar qulap jatyr, - dep habarlaidy Almaty qalalyq TJD baspasóz qyzmeti.
Bir táýlikte aǵashtardyń qulaýynan segiz apat tirkelgen. «109» qyzmetiniń qutqarýshylary taldar qulaǵan mekenjaiǵa jedel baryp, olardy zalalsyzdandyryp jatyr.
«Medeý aýdanyndaǵy «Pýshkin kóshesi, 127» mekenjaiynda qulaǵan aǵash kópqabatty úidiń kireberisin jaýyp qalǵan. Bostandyq aýdany «Kóktem-3» yqshamaýdanynda aǵash kólikti basyp qalǵan. Qutqarýshylar aǵashty kesip, KIA Carens avtokóligin aǵash qursaýynan bosatty. Sonymen qatar, Almaly aýdany Amangeldi kóshesinde de tal qulap, adamdardyń júrýine kedergi keltirgen. Qutqarýshylar avtokrannyń kómegimen aǵashtardy jerge túsirip, kesti» delingen TJD habarlamasynda.
Sondai-aq, habarlamada apatty jaǵdaidyń aldy jedel alynǵany jáne eshkim zardap shekpegeni aitylǵan.
Buǵan deiin, respýblikalyq psihikalyq densaýlyq ǵylymi-praktikalyq ortalyǵyna aǵash qulap, shatyry men qorshaýyn qiratqany týraly jazǵan bolatynbyz.
