قاردىڭ قالىڭ تٷسۋٸنە بايلانىستى الماتىنىڭ ەر اۋدانىندا اعاشتار قۇلاپ جاتىر, - دەپ حابارلايدى الماتى قالالىق تجد باسپاسٶز قىزمەتٸ.
بٸر تەۋلٸكتە اعاشتاردىڭ قۇلاۋىنان سەگٸز اپات تٸركەلگەن. «109» قىزمەتٸنٸڭ قۇتقارۋشىلارى تالدار قۇلاعان مەكەنجايعا جەدەل بارىپ, ولاردى زالالسىزداندىرىپ جاتىر.
«مەدەۋ اۋدانىنداعى «پۋشكين كٶشەسٸ, 127» مەكەنجايىندا قۇلاعان اعاش كٶپقاباتتى ٷيدٸڭ كٸرەبەرٸسٸن جاۋىپ قالعان. بوستاندىق اۋدانى «كٶكتەم-3» ىقشاماۋدانىندا اعاش كٶلٸكتٸ باسىپ قالعان. قۇتقارۋشىلار اعاشتى كەسٸپ, KIA Carens اۆتوكٶلٸگٸن اعاش قۇرساۋىنان بوساتتى. سونىمەن قاتار, المالى اۋدانى امانگەلدٸ كٶشەسٸندە دە تال قۇلاپ, ادامداردىڭ جٷرۋٸنە كەدەرگٸ كەلتٸرگەن. قۇتقارۋشىلار اۆتوكراننىڭ كٶمەگٸمەن اعاشتاردى جەرگە تٷسٸرٸپ, كەستٸ» دەلٸنگەن تجد حابارلاماسىندا.
سونداي-اق, حابارلامادا اپاتتى جاعدايدىڭ الدى جەدەل الىنعانى جەنە ەشكٸم زارداپ شەكپەگەنٸ ايتىلعان.
بۇعان دەيٸن, رەسپۋبليكالىق پسيحيكالىق دەنساۋلىق عىلىمي-پراكتيكالىق ورتالىعىنا اعاش قۇلاپ, شاتىرى مەن قورشاۋىن قيراتقانى تۋرالى جازعان بولاتىنبىز.
