«Tsifrlyq Qazaqstan» baǵdarlamasy aiasynda Almatydaǵy barlyq memlekettik qyzmetter tsifrlyq formatqa kóshedi. Bul týraly Almaty qalasy Tsifrlandyrý basqarmasynyń basshysy Baian Qońyrbaev habarlady.
Tsifrlandyrý jumystarymen ainalysatyn basqarmada jaqyn kúnderi birneshe bólim ashylatyn bolady. Atap aitqanda, jobalardy basqarý, protsestik damý, ózgeristerdi basqarý jáne málimetterdi basqarý bólimderi.
«Búgingi tańda biz qaladaǵy barlyq nysandarǵa monitoring júrgizip jatyrmyz, nátijesinde jol jóndeý, infraqurylymdyq jelilerdi tartý, mektepter men balabaqshalardyń ornalasýy, aýrýhanalardyń shoǵyrlanýy syndy servistik jumystardy bilip otyramyz. Endi bul baǵytty odan saiyn jetildirip, onyń operatsiialyq damý protsesine qala turǵyndaryn keńinen tartý úshin kóptegen is-sharalar júzege asatyn bolady», – deidi B.Qońyrbaev.
Onyń sózinshe, qala turǵyndarynyń aqparattyq júiege qoljetimdigin barynsha arttyryp, qalanyń tynys-tirshiliginen habar berý úshin biryńǵai baza jasalady. Tsifrlandyrý jumystary memlekettik organdardyń ashyqtyǵyna jáne turǵyndardyń keńinen aqparattandyrylýyna yqpal etedi.
Buǵan qosa, aimaqtaǵy stýdentterdi tsifrlandyrý jumystaryna tartý úshin tehnikalyq ýniversitetter jáne kásibi kolledjdermen yntymaqtastyq ornatylatyn bolady.
Eske sala ketsek, qyrkúiek aiynyń basynda Almaty qalasynyń ákimi Baqytjan Saǵyntaev Tsifrlandyrý basqarmasynyń qurylǵanyn habarlap, keler jyldyń sońyna deiin barlyq memlekettik qyzmet avtomattandyrylatynyn aitqan bolatyn. Basqarmanyń mindeti – «aqyldy qalanyń» jańa jobalaryn engizý, memlekettik qyzmetti avtomattandyrý, óńirdegi aqparattyq tehnologiialyq áleýetti arttyrý jáne t.b. Al qazirgi tańda aimaqta memlekettik qyzmettiń 80 paiyzy tsifrlyq formatqa kóshken.
