Almatyda munyń aldynda berilgen qalada júrip turýǵa ruqsat beretin qujattardyń merzimi 20 sáýirge deiin jaramdy bolady, dep habarlaidy "Ult aqparat".
Qala biligi habarlaǵandai, Tótenshe jaǵdai men kúsheitilgen rejim kezinde qalanyń tirshiligine jaýapty keibir uiymdar men kásiporyndardyń qyzmetkerlerine qalada júrip turýyna 16 sáýirge deiin ruqsat berilgen bolatyn.
Osy maqsatta qalada arnaiy portal ashylǵanyn qala ákiminiń orynbasary Saparbek Tuiaqbaev málimdegen bolatyn.
Aqparat portalynda buryn ruqsat berilgen qujattardyń merzimi 20 sáýirge deiin sozylǵany habarlandy.
«Almatyda júrgizýshiler men jeke adamdarǵa qalada júrip turýyna ruqsat alýy úshin barlyq aqparatty osy portalǵa engizý kerek. Nazar aýdaryńyzdar! Munyń aldynda berilgen ruqsat qaǵazdarynyń merzimi 20 sáýirge deiin sozyldy», - dep jazylǵan portalda.
