Foto: joǵalǵan er adamnyń áieli usynǵan
Almatyda 34 jastaǵy er adam túnde úiinen shyǵyp, joǵalyp ketken. Áieliniń aitýynsha, oǵan Talǵardan SOS signaly kelgen, - dep habarlaidy "Ult aqparat" Tengrinews.kz saityna silteme jasap.
Almatylyq Timýr Popovtyń áieli kúieýiniń 30 qarashaǵa qaraǵan túni jumbaq jaǵdaida joǵalyp ketkenin aitty.
"Almatyda Nazarbaev dańǵyly boiynda turamyz. Túnde balalarmen uiyqtap jatqanda ol úiden shyǵyp ketken. Eshteńe eskertpedi, eshkimge qońyraý shalmady, jazbady, dostarynyń eshqaisy bilmeidi. Kúrteshesin kiip, bas kiimin de almai, úiden shyǵyp ketken. Kelesi kúni tańǵy saǵat 3-te onyń iPhone telefonynan Talǵardaǵy geolokatsiiasy kórsetilgen SOS signalyn aldym. Osydan keiin telefon óshirilip, qaita qosylmady. 1 jeltoqsanda Almaty Medeý aýdanynyń politsiiasyna aryz jazdyq, sodan beri kúieýimnen esh habar joq", – deidi joǵalǵan er adamnyń áieli Alina.
Áiel politseilerdiń geolokatsiia derekterinde kórsetilgen jerge barǵanyn, biraq bul jerden kúieýiniń izi tabylmaǵanyn atap ótti. Sondai-aq, ol er adamnyń Talǵarǵa ne úshin barǵanyn túsinbeidi. Onda dostary bar, biraq olar ony kórmegen.
Joǵalǵan azamatty izdeý bes kúnnen beri jalǵasyp jatyr. Er adam qara kúrte, kók djinsy shalbar jáne sary aiaqkiim kigen.
Belgileri: boiy - 183 santimetr, shashy qara, aǵarǵan, saqaly bar, kózi qońyr.
Er adam týraly qosymsha málimet biletinderden politsiiaǵa nemese +7 701 768 9368 nómirine habarlasý suraldy.
