فوتو: جوعالعان ەر ادامنىڭ ەيەلٸ ۇسىنعان
الماتىدا 34 جاستاعى ەر ادام تٷندە ٷيٸنەن شىعىپ, جوعالىپ كەتكەن. ەيەلٸنٸڭ ايتۋىنشا, وعان تالعاردان SOS سيگنالى كەلگەن, - دەپ حابارلايدى "ۇلت اقپارات" Tengrinews.kz سايتىنا سٸلتەمە جاساپ.
الماتىلىق تيمۋر پوپوۆتىڭ ەيەلٸ كٷيەۋٸنٸڭ 30 قاراشاعا قاراعان تٷنٸ جۇمباق جاعدايدا جوعالىپ كەتكەنٸن ايتتى.
"الماتىدا نازارباەۆ داڭعىلى بويىندا تۇرامىز. تٷندە بالالارمەن ۇيىقتاپ جاتقاندا ول ٷيدەن شىعىپ كەتكەن. ەشتەڭە ەسكەرتپەدٸ, ەشكٸمگە قوڭىراۋ شالمادى, جازبادى, دوستارىنىڭ ەشقايسى بٸلمەيدٸ. كٷرتەشەسٸن كيٸپ, باس كيٸمٸن دە الماي, ٷيدەن شىعىپ كەتكەن. كەلەسٸ كٷنٸ تاڭعى ساعات 3-تە ونىڭ iPhone تەلەفونىنان تالعارداعى گەولوكاتسيياسى كٶرسەتٸلگەن SOS سيگنالىن الدىم. وسىدان كەيٸن تەلەفون ٶشٸرٸلٸپ, قايتا قوسىلمادى. 1 جەلتوقساندا الماتى مەدەۋ اۋدانىنىڭ پوليتسيياسىنا ارىز جازدىق, سودان بەرٸ كٷيەۋٸمنەن ەش حابار جوق", – دەيدٸ جوعالعان ەر ادامنىڭ ەيەلٸ الينا.
ەيەل پوليتسەيلەردٸڭ گەولوكاتسييا دەرەكتەرٸندە كٶرسەتٸلگەن جەرگە بارعانىن, بٸراق بۇل جەردەن كٷيەۋٸنٸڭ ٸزٸ تابىلماعانىن اتاپ ٶتتٸ. سونداي-اق, ول ەر ادامنىڭ تالعارعا نە ٷشٸن بارعانىن تٷسٸنبەيدٸ. وندا دوستارى بار, بٸراق ولار ونى كٶرمەگەن.
جوعالعان ازاماتتى ٸزدەۋ بەس كٷننەن بەرٸ جالعاسىپ جاتىر. ەر ادام قارا كٷرتە, كٶك دجينسى شالبار جەنە سارى اياقكيٸم كيگەن.
بەلگٸلەرٸ: بويى - 183 سانتيمەتر, شاشى قارا, اعارعان, ساقالى بار, كٶزٸ قوڭىر.
ەر ادام تۋرالى قوسىمشا مەلٸمەت بٸلەتٸندەردەن پوليتسيياعا نەمەسە +7 701 768 9368 نٶمٸرٸنە حابارلاسۋ سۇرالدى.
