Almatyda árbir orta bilim berý uiymynda 1-10 synyp oqýshylary úshin «Jazǵy mektep» uiymdastyrylady. Bul týraly onlain-brifing barysynda QR BǴM Bilim jáne ǵylym salasynda sapany qamtamasyz etý komiteti Almaty qalalyq departamentiniń basshysy Gúlnár Ermekbaeva aitty, dep habarlaidy QazAqparat.
«Almatylyq oqýshylar úshin jazǵy mektepti 15-17 tamyz aralaǵynda uiymdastyrýdy josparlap otyrmyz. Árine, qaladaǵy epidemiologiialyq ahýal turaqty bolsa. Barlyq sanitarlyq talaptar tolyqtai saqtalady. Qosymsha aqparatty ýaqyt jaqyndaǵanda taǵy habarlaityn bolamyz»,– dedi Gúlnár Ermekbaeva.
Jazǵy mektepte oqýshylar tórtinshi toqsannyń materialdary boiynsha qosymsha bilim ala alady. Biraq ol ár oqýshynyń óz qalaýy.
