Áleýmettik jelilerde qojaiynynan jasyrynýǵa tyrysyp, qashyp júrgen ittiń videosy jariialandy. Almaty politsiiasy tekserý júrgizdi, - dep habarlaidy Tengrinews.kz.
Kýágerler er adamnyń itine degen qarym-qatynasyna ashýlanyp Jelige videosyn jariialaǵan.
Almaty politsiia departamenti bastyǵynyń tergeý jumysy jónindegi orynbasary Rýstam Ábdirahmanov jaǵdaiǵa qatysty túsinik berdi.
"Úi janýarynyń iesi anyqtaldy. Ol Bostandyq aýdanynyń 1991 jylǵy turǵyny bolyp shyqty. Vedomstvo ókilderi er adammen úi janýarlaryna dóreki qaraýǵa bolmaityny týraly profilaktikalyq áńgime júrgizdi", - dedi Rýstam Ábdirahmanov.
Al it iesi kópshilik aldynda keshirim surady.
"Mine, itim tiri, aman-saý. Ol meni tistep aldy. Iá, mundai oqiǵa boldy. Keshirińizder. Bári jaqsy bolady, endi qaitalamaimyn. Mazaq etpedim, bul ózimniń itim ǵoi", - deidi ol politsei jariialaǵan videoda.
Buǵan deiin BAQ-ta, áleýmettik jeliler men messendjerlerde janýarlarǵa qatygezdik kórsetilgeni túsirilgen kadrlardy jariialaýǵa tyiym salynatyny habarlanǵan bolatyn. Norma Qazaqstanda Senatynda qabyldanǵan "Janýarlarǵa jaýapkershilikpen qaraý" týraly zańda jazylǵan.
