Almaty ákimdigi qala turǵyndarymen dialog ornatyp, olardyń usynystaryn tyńdap, tikelei jaýap berý úshin IAzamat mobildi qosymshasyn iske qosty, dep habarlaidy "Ult aqparat".
«Almaty qalasyn damytý ortalyǵy» AQ basqarma tóraǵasynyń orynbasary Nurtas Qaiyrovtyń aitýynsha, IAzamat qosymshasy Memleket basshysynyń «Halyq únine qulaq asatyn memleket» tujyrymdamasyn oryndaý maqsatynda árbir jergilikti atqarýshy organda turǵyndarmen tikelei jáne keri bailanys ornatý úshin jasalǵan.
«Bul qosymsha - turǵyndar men qala biliginiń dialog alańy. Ol jerde azamattar túrli joba boiynsha óz usynystaryn aityp, talqylai otyryp, pikir qaldyra alady. Sondai-aq, ol jerden qalada qandai jobalar iske asyrylyp jatqanyn kórip, olardyń qalaǵa qanshalyqty qajet ekenine baǵa berýge bolady», – deidi ol.
Sonymen qatar ol atalǵan qosymsha arqyly turǵyndardyń pikirin eskere otyryp qalanyń infraqurylymy, jol júiesi jasalatynyn jetkizdi.
«Qai jerdi abattandyryp, kógaldandyrý kerektigin de osy qosymshada talqylap, iske asyramyz. Almatylyqtardyń barlyq usynystary men pikirleri qosymshada kórinip turady. Oǵan qosa qala ákimdigi men túrli qurylym basshylary onlain rejimde turǵyndardyń saýaldaryna tikelei jaýap berip otyrady», – deidi Qaiyrov.
Budan bólek, jobalardan tys bul qosymshadan qalaǵa qatysty ózekti maǵlumattardy alýǵa bolady. Iaǵni, qaladaǵy bilim, ekonomika, mádenietke qatysty qajetti málimetter men jetistikter turǵyndar nazaryna usynylyp otyrady.
Sonymen qatar, azamattar qalada jańadan ashylyp jatqan nysandar jaily bilip otyrady.
