Almaty qalalyq tsifrlandyrý basqarmasynyń basshysy Baian Qońyrbaev onlain brifing barysynda megopoliste internet sapasyn jaqsartý maqsatynda qandai jumystar júrgizilip jatqanyn aitty, dep habarlaidy "Ult aqparat".
«Internet sapasyn jaqsartý jumysyn biz bir jyl buryn bastadyq. Qazir Almaty qalasy boiynsha 200-den astam núkte bar, bailanysy nashar núkteler jabyldy. Qala jáne aglomeratsiia perimetri boiynsha jekemenshik sektordaǵy núktelerdi jabýǵa nazar aýdarylyp otyr», – deidi Baian Qońyrbaev.
Onyń aitýynsha, QR Tsifrlyq damý, innovatsiialar jáne aeroǵarysh ónerkásibi ministrligi uialy bailanys operatorlarymen birlesip, antenna-dińgek qurylysyn salý jáne bazalyq stansa ornatý úshin 67 núkte belgilegen.
Bul núkteler uialy bailanys operatorlary men Almaty qalasy ákimdigiimen kelisildi.
«LC Commerce» JShS kompaniiasy jańa 25 núkte boiynsha zertteý júrgizdi jáne «MT-S» JShS-men radio-josparlaý boiynsha máselelerdi kelisti. «Mobail Telekom-Servis» JShS osy núkteler boiynsha sanitarlyq pasporttardy alý úshin jumys isteýde. «Kar-Tel» JShS 12 jańa stansany iske qosty, sondai-aq 3 núkte boiynsha jumys júrgizilýde. Taǵy 9 bazalyq stansa iske qosyldy», – deidi spiker.
Búgingi tańda bilim basqarmasymen birlesip interneti nashar núkteler pysyqtalýda, sondai-aq bilim basqarmasy bergen núkteler eki mobildi operatormen qamtyldy.
Sonymen qatar, ol jeke investorlar «Bilain» kompaniialarynyń jańa stansasyn iske qosqanyn atap ótti. «Keńsai» shaǵynaýdanynda jeltoqsan aiynyń ortasyna deiin jańa bazalyq stansa ornatylady.
