Foto: Mádeniet jáne aqparat ministrligi
QR Ulttyq kitaphanasynda belgili qazaq jazýshysy, Qazaq KSR Memlekettik syilyǵynyń laýreaty Iliias Esenberlinniń 110 jyldyǵyna arnalǵan «Ulttyq rýhtyń shyraǵy» atty kitap kórmesi uiymdastyryldy.
Mádeniet jáne aqparat ministrliginiń málimetinshe, kórme maqsaty – Iliias Esenberlinniń shyǵarmashylyq murasyn dáripteý, jazýshynyń qazaq ádebietiniń damýyna qosqan úlesin oqyrmandarǵa tanystyrý.
Kórmege Ulttyq kitaphana qorynan 200 basylym, sonyń ishinde 150 kitap, 50 jýrnal qoiylǵan.
Kitap kórmesi úsh bólimnen turady.
«Uly dalanyń dańqty uly» atty birinshi bólimde jazýshynyń ómiri men qyzmeti týraly materialdar: entsiklopediialar, bibliografiialyq anyqtamalar men ádebietter usynylǵan.
«Tarihi roman tabiǵaty» atty ekinshi bólimde I.Esenberlinniń shyǵarmalary, sonyń ishinde 10 tomdyq shyǵarmalar jinaǵy, «Sultan», «Aisha», «Adamgershilik jyry», «Ǵashyqtar», «Kóshpendiler» trilogiiasy usynylǵan.
«Halyq júregindegi qalamger» atty úshinshi bólimde I.Esenberlinniń shyǵarmashylyǵy týraly Qazaqstannyń belgili jazýshylarynyń estelikteri, ádebiettanýshylardyń eńbekteri qoiylǵan.
Kórme 2025 jyldyń 3 sáýirine deiin jalǵasady.
