Almatydaǵy Jetisý aýdanynda ornalasqan gaz ballony qoimasynan órt shyqty, dep habarlaidy "Ult aqparat".
Almaty qalalyq Tótenshe jaǵdai departamentiniń habarlaýynsha, 2020 jyldyń 1 mamyrynda saǵat 14:32–de Almaty qalalyq Tótenshe jaǵdailar departamentiniń «101» pýltine Jetisý aýdany, Ratýshnogo kóshesi, 78 «B» mekenjaiynda qoima órtenip jatqany týraly habar tústi. Órt sóndirýshiler qazir oqiǵa ornynda.
«Oqiǵa ornyna órt sóndirýshiler saǵat 14:44- te jetti. «LT» JShS aýmaǵyndaǵy gaz qoimasy men gaz taratý stantsiiasy janyp jatyr eken. Qoimada 50 jáne 25 litrli gaz ballondary saqtalǵan. Birneshe ret jarylys boldy. Shuǵyl árekettiń arqasynda órttiń shamamen syiymdylyǵy 100 tekshe metr bolatyn gaz tsisternasy men jaqyn mańdaǵy turǵyn úi sektoryna órshýine jol berilgen joq»,– dedi Tótenshe jaǵdailar departamentiniń Azamattyq qorǵanys basqarmasynyń maiory Denis Iartsev.
Qyzyl jalyn oqshaýlandy.
Órt 150 sharshy metr jerdi sharpyǵan.
