Almatyda feldsher jábirlenýshi es-tússiz jatqan sátte tonaýdy uiǵarǵan. Bul týraly Almaty.tv telearnasy habarlady.
Naýqasty shuǵyl túrde aýrýhanaǵa aparǵan kezde, onyń uly 1,5 million teńge turatyn altyny joq ekenin ańǵarǵan. Sol kezde ol aryz jazyp, tártip saqshylary jedel járdem kóligindegi kameralardy teksergen.
Beinejazbadan feldsherdiń eshkim baqylamaitynyna kóz jetkizgen soń altyn áshekeiin sheshýge tyrysqany kórinedi. Keiin ol áshekeidi lombardqa ótkizgen.
Málimetterge sáikes, áieldiń jaǵdaiy jaqsy, tizbek iesine qaitarylǵan. Al feldsher dereý jumystan shyǵarylǵan.
"Bul oqiǵa boiynsha Túrksib aýdany politsiia basqarmasy QK 188-baby 1-bóligine sáikes urlyq faktisi boiynsha sotqa deiingi tergeý bastady. Sol kúni feldsher ustalyp, beinejazba tárkilendi, sotqa deiingi tergeý júrgizilýde. Sotqa deiingi tergeýge qatysty basqa aqparat jariialaýǵa jatpaidy", - dedi Túrksib aýdany prokýratýra bóliminiń bastyǵy Ádilet Qýandyqov.
