Almaty qalasynyń ákimshiligi qalanyń meditsinalyq uiymdaryn jeke qorǵanys quraldarymen qamtamasyz etý baǵytynda jan-jaqty sharalar atqarýda, dep habarlaidy "Ult aqparat".
Sonymen birge, kásipkerlik sýbektileri de bul isten syrt qalmai, koronavirýs pandemiiasymen kúreske óz úlesterin qosýda. Búgin «Dolce-Pharm» JShS otandyq farmatsevtikalyq óndiristik kompaniiasy biznestiń áleýmettik jaýapkershiligi aiasynda 100 myń maska berdi. Bul maskalar shahardaǵy 23 meditsinalyq mekeme arasynda bólinip, taratylady.
«Búgingi tańda biz qalaǵa 100 myń maska syiladyq. Bul ákimdikpen sheshilgen másele. 5340 orynǵa 23 aýrýhanaǵa biz 100 myń filtrli maska beretin bolamyz. Ákimdik bergen aýrýhanalar tizimi boiynsha barlyǵyna ózimiz jetkizetin bolamyz», - dedi Dolce kompaniiasynyń kommertsiialyq direktory Baian Demeýova.
Qarapaiym qosqabatty maskalar tek 2 saǵat taǵylsa, filtrli maskany 4-5 saǵat boiy, eki ese uzaq ýakyt taǵýǵa bolady.
Sonymen birge, bolashaqta onkologiialyq jáne balalar aýrýhanasynyń meditsinalyq qyzmetkerlerin maskalarmen qamtamasyz etýge kómek kórsetý josparlanyp otyr.
Jalpy, «Dolce-Pharm» kompaniiasy Almaty qalasynyń ákimdigimen kelisimge sáikes, megapolistiń 23 dárihanasyna maskalardy jetkizedi. Indet bastalǵaly Dolce kompaniiasy qalanyń dárihanalaryna kún saiyn 2-3 myń maska jetkizip otyr.
