Almatyda farmatsevtikalyq óndiris pen jeke qorǵanys quraldary óndirisi boiynsha birneshe joba qolǵa alynbaq. Bul týraly Almaty ákiminiń orynbasary Saparbek Tuiaqbaev onlain brifing kezinde aitty, dep habarlaidy "Ult aqparat".
«Óndiriske keler bolsaq, farmatsevtikalyq óndiris pen jeke qorǵanys quraldary óndirisi boiynsha birneshe jobany qarastyryp jatyrmyz. Farmatsevtikalyq óndiris birden quryla qoimaityny belgili. Biraq, bul máseleni júieli túrde sheshýge bolatynyn túsindik. Alataý arnaiy ekonomikalyq aimaǵynda meditsinalyq buiymdar shyǵaratyn klaster jasaý týraly sheshim qabyldandy. 2044 jylǵa deiin jeńildik qarastyrylmaq. Infraqurylym daiyn. Qazir 4 joba qarastyrylyp jatyr. 2 joba bastalǵaly tur. Atap aitqanda, mataǵa jatpaityn material óndirisi. Bul barlyq jeke qorǵanys quraldary maska, obaǵa qarsy kostiýmder óndirisi. Eger biz osy óndiristi jolǵa qoisaq, importqa táýeldi bolmaimyz. Jobany jyl sońyna deiin aiaqtaý josparlanǵan», - dedi S.Tuiaqbaev.
