الماتىدا فارماتسەۆتيكالىق ٶندٸرٸس پەن جەكە قورعانىس قۇرالدارى ٶندٸرٸسٸ بويىنشا بٸرنەشە جوبا قولعا الىنباق. بۇل تۋرالى الماتى ەكٸمٸنٸڭ ورىنباسارى ساپاربەك تۇياقباەۆ ونلاين بريفينگ كەزٸندە ايتتى, دەپ حابارلايدى "ۇلت اقپارات".
«ٶندٸرٸسكە كەلەر بولساق, فارماتسەۆتيكالىق ٶندٸرٸس پەن جەكە قورعانىس قۇرالدارى ٶندٸرٸسٸ بويىنشا بٸرنەشە جوبانى قاراستىرىپ جاتىرمىز. فارماتسەۆتيكالىق ٶندٸرٸس بٸردەن قۇرىلا قويمايتىنى بەلگٸلٸ. بٸراق, بۇل مەسەلەنٸ جٷيەلٸ تٷردە شەشۋگە بولاتىنىن تٷسٸندٸك. الاتاۋ ارنايى ەكونوميكالىق ايماعىندا مەديتسينالىق بۇيىمدار شىعاراتىن كلاستەر جاساۋ تۋرالى شەشٸم قابىلداندى. 2044 جىلعا دەيٸن جەڭٸلدٸك قاراستىرىلماق. ينفراقۇرىلىم دايىن. قازٸر 4 جوبا قاراستىرىلىپ جاتىر. 2 جوبا باستالعالى تۇر. اتاپ ايتقاندا, ماتاعا جاتپايتىن ماتەريال ٶندٸرٸسٸ. بۇل بارلىق جەكە قورعانىس قۇرالدارى ماسكا, وباعا قارسى كوستيۋمدەر ٶندٸرٸسٸ. ەگەر بٸز وسى ٶندٸرٸستٸ جولعا قويساق, يمپورتقا تەۋەلدٸ بولمايمىز. جوبانى جىل سوڭىنا دەيٸن اياقتاۋ جوسپارلانعان», - دەدٸ س.تۇياقباەۆ.
