Almatyda Eýraziialyq úkimetaralyq keńesiniń kezekti otyrysy ótip jatyr. Is-sharaǵa Qazaqstan, Resei, Armeniia, Belarýs, Qyrǵyzstannyń úkimet basshylary jáne Eýraziialyq ekonomikalyq komissiia Alqasynyń tóraǵasy qatysýda, dep habarlaidy "Ult aqparat".
Kún tártibinde saýda-ekonomikalyq yntymaqtastyqty keńeitý, ishki naryqtyń damýyna jol bermeitin kedergilerdi joiý, sondai-aq ekonomikanyń jekelegen salalarynda integratsiialyq áleýetti damytý máseleleri qaralyp jatyr. Sondai-aq, Eýraziialyq Ekonomikalyq komissiia men TMD atqarýshy komiteti arasyndaǵy bailanysty budan ári nyǵaitýǵa arnalǵan jumys jospary da bekitiledi.
QR Premer-Ministri Asqar Mamin óz sózinde joǵary Eýraziialyq ekonomikalyq keńestiń sheshimine sáikes, Qazaqstan 2021 jyldyń 1 qańtarynan bastap EAEO organdarynyń ókildigin qabyldaǵanyn atap ótti.
Osyǵan orai, Memleket basshysy Qasym-Jomart Toqaev EAEO múshe memleketterge Qazaqstan Respýblikasynyń 2021 jylǵa arnalǵan negizgi basymdyqtary týraly úndeý joldady.
«Birinshiden, biz óndiristik kooperatsiiany damytýǵa kúsh salamyz. Bizdiń mindetimiz – eldiń básekelestik áleýetin tolyq iske asyrý. Prezident Qasym-Jomart Toqaev atap ótkendei, biz EAEO aiasyndaǵy óndiristik yntymaqtastyqtyń negizgi baǵyttaryn tolyǵymen qaita qarap, jańartýymyz kerek.
Ekinshiden, eldegi saýda- sattyq arasyndaǵy kedergilerdi joiý kerek. Shektelgen dinamika men syrtqy suranys jaǵdaiynda jáne ortaq naryqtyń jumys isteýi men qol jetimdiligi boiynsha EAEO mańyzdylyǵy artyp keledi. Bizdiń óndiristik júielerdiń básekege qabiletti artyqshylyqtaryn tolyǵymen iske asyrý úshin kedergileriniń paida bolýyna jol bermeý kerek. Iaǵni, tárkileýlerdi barynsha azaityp, taýarlardyń erkin qozǵalysyna jaǵdai jasaý qajet.
Úshinshiden, biz EAEO haby úshin transshekaralyq arteriiasynyń investitsiialyq áleýetin jaqsartýǵa kúsh salýymyz kerek. Qazirgi jaǵdailar bizge EAEO áleýetin paidalanýǵa múmkindik beredi. Óitkeni, bul aimaqtaǵy ǵana emes, álemdegi eń mańyzdy saýda-kólik haby . Bul jumysta biz Eýraziialyq integratsiialyq qaýymdastyqtyń «Bir beldeý, bir jol» bastamasymen bailanystyryp, Eýraziia elderiniń básekege qabilettiligin, tranzittik baǵyttardyń qyzmetin jáne ulttyq taýarlardy taratý júiesin integratsiialaýdy biriktirý ideiasyn jalǵastyrýymyz kerek.
Tórtinshiden, biz tsifrlandyrý boiynsha jumysymyzdy kúsheitýimiz qajet. EAEO dinamikany eskere otyryp, onyń artyqshylyqtaryn nemese artta qalý sebebin anyqtaidy. Biz tsifrlyq bastamalardy jobalaý men júzege asyrýdaǵy yntymaqtastyq tásilderdi jańartamyz. Búgin tsifrlyq forýmy aiasynda osy ózekti máselelerdi talqylaýǵa múmkindik aldyq.
Besinshiden, úshinshi eldermen jáne integratsiialyq birlestiktermen saýda-ekonomikalyq qatynastardy keńeitý boiynsha jumysty jandandyrý qajet. Eýropalyq Odaqpen, Ońtústik-Shyǵys Aziia elderi qaýymdastyǵymen dialog qurý úshin júieli jumys júrgizilýi tiis. Mundai bailanys EAEO taýarlary men qyzmetteriniń syrtqy naryqqa shyǵýyna jáne ekonomikany halyqaralyq deńgeide integratsialanýyna jaǵdai jasaidy»,- dedi Asqar Mamin.
Sonymen qatar, Úkimet basshysy qarqyndy tendentsiialar, sonyń ishinde ondaǵan jyldar boiy óndiriste qalyptasqan qazirgi jaǵdai men naryqtaǵy qatań básekelestikti yǵystyrý ońai emestigin atap ótti.
«Biz birtutas ekonomikalyq, óndiristik jáne saýda saiasatyn qurýymyz kerek. Osyǵan bailanysty bizdiń jumys baǵytymyz ortaq múddemizge tolyq sáikes keledi. Bizdiń usynysymyzdy iske asyrý jańa ortada ekonomikalyq, óndiristik jáne saýda qurylymyn jedel ózgertý qajettiligin kórsetedi. Men áleýetti arttyrý úshin taraptardy birlese jumys isteýge shaqyramyn», - dedi Asqar Mamin.
Aita keteiik, Eýraziialyq úkimetaralyq keńes otyrysyna qatysýshylar búgin «Digital Almaty 2021» atty halyqaralyq forýmyna qatysqan bolatyn. Dástúrli pikirtalas alańynda ekonomikalyq odaq aiasynda tsifrlyq júiege ótýdiń ózekti máseleleri talqylandy.
