Almatyda Eýraziialyq ekonomikalyq odaq (EAEO) elderi úkimet basshylarynyń qatysýymen Eýraziialyq úkimetaralyq keńestiń otyrysy bastaldy, – dep habarlaidy QazAqparat.
Sharaǵa Armeniia, Belarýs, Qazaqstan, Qyrǵyz, Resei, Moldova úkimetiniń basshylary men Eýraziialyq ekonomikalyq komissiia alqasynyń tóraǵasy qatysýda.
EAEO otyrysy shaǵyn jáne keńeitilgen quramda ótip jatyr. Kún tártibine 12 suraqty talqylaý qarastyrylǵan. Onyń qatarynda saýda-ekonomikalyq áriptestik, múshe memleketter arasynda ózara taýar almasýdy keńeitý, kedergilerdi alyp tastaý, sonymen qatar ekonomikanyń keibir salalarynda integratsiialyq áleýetti damytý máseleleri bar.
Sonymen qatar, Eýraziialyq keńistiktegi ulttyq valiýtalardy paidalanýdy keńeitý jáne kópjaqty integratsiialyq birlestikterdiń tájiribesin eskere otyryp, qorǵanys sharalaryn qoldanýdy jetildirý boiynsha birqatar bastamalardy talqylaý josparlanǵan.
