Foto: orkestrdyń baspasóz qyzmeti
Respýblika saraiynda MAM qoldaýymen Qurmanǵazy atyndaǵy Qazaq ulttyq halyq aspaptar orkestri uiymdastyrǵan «Ainaldym elim» atty kontsert ótti, dep habarlaidy Ult.kz.
Is-shara belgili ánshi, kompozitor Eskendir Hasanǵalievti 85 jyldyǵyna arnaldy.
Onyń ánderi patriotizm men Otanǵa degen súiispenshiliktiń simvolyna ainaldy. Ulttyq qundylyqtardy dáripteitin bul týyndylar – Qazaqstannyń mádeni murasynyń ajyramas bóligi.
Ánshi shyǵarmashylyǵyndaǵy halyqtyń ystyq yqylasyna bólengen «Atameken» áni erekshe baǵalanady. Bul án tyńdaýshylardyń júreginen oryn alyp, qazaq mýzykasynyń altyn qoryna qosyldy.
Kontsert aiasynda Eskendir Hasanǵalievtiń birqatar shyǵarmalary oryndaldy.
Orkestrdiń bas dirijeri - memlekettik «Daryn» jastar syilyǵynyń laýreaty Abylai Tilepbergen. Kórkemdik jetekshisi – Qazaqstannyń eńbek sińirgen qairatkeri Batyrjan Myqtybaev. Kontsertke belgili qazaqstandyq ónerpazdar qatysty.
