Almaty politseileri iri esirtki zerthanasyn joidy, dep habarlaidy QazAqparat.
Almaty qalalyq Politsiia departamentiniń málimetinshe, sintetikalyq esirtki shyǵaratyn tseh «Qalqaman» shaǵyn aýdanyndaǵy jeke úidiń jertólesinde ornalasqan.
Belgili bolǵandai, úi ótken jyldyń qazan aiynda jas jigitke jalǵa berilgen.
«Tintý kezinde politsiia qyzmetkerleri mefedron sintetikalyq psihotroptyq zatyn óndirý kezinde qylmyskerler paidalanǵan untaq jáne kesek túrindegi zattardy, himiialyq zattar salynǵan plastik ydystardy, suiyqtyqtary bar kolbalardy, elektrondy tarazylardy jáne basqa da quraldardy tárkiledi.
«Kúdikti retinde 23 jastaǵy azamat O. ustaldy. Tolyq emes meditsinalyq bilimi bar jas jigit esirtki óndirisin jolǵa qoiǵan. Barlyǵy esirtki zerthanasynda birneshe keli keptirilgen zattar tárkilendi. Olardyń túsi ártúrli: aq, qara, jasyl, qońyr. Bir qaptama qońyr «shóptiń» salmaǵy shamamen 160 gramm, aq – 500. Jertóleden tabylǵannyń bári sot-himiialyq saraptamaǵa jiberildi», - dedi Almaty qalalyq PD Esirtki qylmysyna qarsy kúres basqarmasynyń bastyǵy Erlan Álmaǵambetov.
Sotqa deiingi tergeý bastaldy.
