Almatyda erteń tótenshe jaǵdai rejimi tolyq aiaqtalady, dep habarlaidy QazAqparat.
Almaty komendatýrasy 19.01.2022 jyly saǵat 00:00-de Almatyda tótenshe jaǵdai men komendanttyq saǵattyń aiaqtalatynyn málim etti.
Alaida Almaty aýmaǵynda antiterrorlyq is-shara rejimi jáne terroristik qaýiptiliktiń «qyzyl» deńgeii saqtalady.
«Terrorizmge qarsy is-sharalar aiasynda Almaty qalalyq politsiia departamenti, Ulttyq ulannyń jáne QR qorǵanys ministrliginiń áskeri qyzmetkerleriniń kúshteri qalany táýlik boiy patrýldeýdi qamtamasyz etedi. Blokposttar jumysyn jalǵasady.Terrorlyq qaýip-qaterdiń «qyzyl» deńgeiinde quqyq qorǵaý organdaryna azamattardyń zattaryn, kólik quraldaryn jeke tintýge, sondai-aq olardyń qozǵalysyn ýaqytsha shekteýge nemese tyiym salýǵa ruqsat etilgenin eske salamyz. Sherýler men mitingterge tyiym salynady», - delingen habarlamada.
Antiterrorlyq is-shara rejiminiń aiaqtalý merzimi áli belgisiz.
