الماتىدا ەرتەڭ تٶتەنشە جاعداي رەجيمٸ تولىق اياقتالادى, دەپ حابارلايدى قازاقپارات.
الماتى كومەنداتۋراسى 19.01.2022 جىلى ساعات 00:00-دە الماتىدا تٶتەنشە جاعداي مەن كومەندانتتىق ساعاتتىڭ اياقتالاتىنىن مەلٸم ەتتٸ.
الايدا الماتى اۋماعىندا انتيتەررورلىق ٸس-شارا رەجيمٸ جەنە تەرروريستٸك قاۋٸپتٸلٸكتٸڭ «قىزىل» دەڭگەيٸ ساقتالادى.
«تەرروريزمگە قارسى ٸس-شارالار اياسىندا الماتى قالالىق پوليتسييا دەپارتامەنتٸ, ۇلتتىق ۇلاننىڭ جەنە قر قورعانىس مينيسترلٸگٸنٸڭ ەسكەري قىزمەتكەرلەرٸنٸڭ كٷشتەرٸ قالانى تەۋلٸك بويى پاترۋلدەۋدٸ قامتاماسىز ەتەدٸ. بلوكپوستتار جۇمىسىن جالعاسادى.تەررورلىق قاۋٸپ-قاتەردٸڭ «قىزىل» دەڭگەيٸندە قۇقىق قورعاۋ ورگاندارىنا ازاماتتاردىڭ زاتتارىن, كٶلٸك قۇرالدارىن جەكە تٸنتۋگە, سونداي-اق ولاردىڭ قوزعالىسىن ۋاقىتشا شەكتەۋگە نەمەسە تىيىم سالۋعا رۇقسات ەتٸلگەنٸن ەسكە سالامىز. شەرۋلەر مەن ميتينگتەرگە تىيىم سالىنادى», - دەلٸنگەن حابارلامادا.
انتيتەررورلىق ٸس-شارا رەجيمٸنٸڭ اياقتالۋ مەرزٸمٸ ەلٸ بەلگٸسٸز.
