Almatyda er adam pyshaqpen avtobýsqa basyp kirip, áielge qarai umtylǵan. Shabýyl jasalǵan sát videoǵa túsip qalǵan. Keiin áleýmettik jelide jariialanǵan, - dep habarlaidy Tengrinews.kz tilshisi.
Kadrlarda qoǵamdyq kólikterdegi birneshe adam ashýly jolaýshyny toqtatýǵa tyrysqany kórinedi. Er adam áielge shabýyl jasaǵan. Qolynda pyshaq bolǵan. Shabýyl jasaǵan adam óziniń ury ekenin dáleldeýdi talap etedi, bolmasa jala japqan adamdy óltiretinin aitady.
Videodaǵy jazbada oqiǵa 7 aqpanda bolǵany aitylǵan.
"Avtobýsqa otyrdyq, bir áiel daýryǵyp, salonǵa júgirdi. Onyń artynan er adam pyshaq ustap júgirdi. Áiel telefony urlanǵanyn aityp, aiqailady. Er adam pyshaqpen qorqytty. Avtobýsta haos bastaldy. Bul adamdy qoǵamnan oqshaýlaý kerek. Osy jaǵdai qaralady dep úmittenemin", - dedi oqiǵa kýágeri.
Eskerińiz! Videoda beiádep sózder bar!
Politsiia bul derek boiynsha áli eshkim aryz jazbaǵanyn málimdedi.
"Barlyq aýdan tekserildi. 102 pýltine qońyraý túsken joq. Alaida video alǵash ret áleýmettik jelilerde jariialanǵan kezde politsiia departamentinde tekserý sharalary taǵaiyndaldy. Qalanyń kriminaldyq politsiiasy osy oqiǵanyń barlyq hronologiiasyn jasaidy. Videodaǵy er adam kim ekeni anyqtalady", - dedi Almaty qalasy PD resmi ókili Saltanat Ázirbek.
