Almatyda er adam qyzy men kúieý balasyn atyp óltirip, keiin óz-ózine qol saldy, dep habarlaidy "Ult aqparat".
«Búgin, 8 maýsym kúni Almaty qalasynyń Túrksib aýdanynda, Seifýllin dańǵylyndaǵy úilerdiń birinde, 1951 jyly týǵan jergilikti turǵyn, otbasylyq janjal kezinde 1987 jyly týǵan kúieý balasy men 1979 jylǵy qyzyn tegis uńǵyly myltyqpen atyp óltirdi. Sodan keiin óz-ózine qol jumsady»,– dep habarlady politsiiadan.
Qazirgi ýaqytta oqiǵa ornynda jedel-tergeý toby jumys isteýde.
Aldyn ala málimet boiynsha, qarý er adamnyń óz atyna tirkelgen.
Qaiǵyly jaǵdaidyń basqa da jaǵdailary anyqtalýda.
