Foto: siapress.ru
Almatydaǵy emhanalardyń birinde er adam burynǵy áieline on shaqty ret pyshaq suqqan, dep habarlaidy Kazinform.
Jantúrshigelik oqiǵa jaily derek buqaralyq aqparat quraldarynda tarady.
Onda Almatydaǵy emhananyń temeki shegetin bólmesinde áielge burynǵy kúieýi shabýyl jasap, ony 8-10 márte pyshaqtaǵany aitylǵan.
Almaty politsiia departamenti atalǵan derekti rastady.
«Almaty politsiia departamentiniń tergeý basqarmasy bul isti QR Qylmystyq kodeksiniń 24-baby (qylmysqa oqtalý) jáne 99-baby (kisi óltirý) boiynsha tergep jatyr», - dep habarlady vedomstvodan.
Kúdikti ustalyp, ýaqytsha ustaý izoliatoryna qamaldy.
Tiisti tergeý sharalary júrip jatyr.
