Almatyda er adam kósheniń ortasynda áieliniń shashynan súirep, soqqyǵa jyqty, dep habarlaidy "Ult aqparat".
Erli-zaiyptylar arasyndaǵy tóbeles áleýmettik jelide tarady.
Qalalyq politsiia deparatamentiniń málimetinshe, oqiǵa 8 shilde kúni «Dýman» yqshamaýdanynda bolǵan.
Tártip saqshylary ony áleýmettik jelige monitoring jasaý kezinde anyqtady. Belgili bolǵandai, jábirlenýshi 1979 jyly týǵan, al ony soqqyǵa jyqqan kúieýi 1974 jylǵy.
«Atalǵan fakti boiynsha ýchaskelik inspektorlar oqiǵa ornynda tekserý júrgizdi. Áiel kúieýiniń ústinen aryz jazdy. Oǵan sot-meditsinalyq saraptamadan ótýge joldama berildi. Er adamdy jaýapqa tartý máselesi saraptama qorytyndysy shyqqan soń qaralady», - deidi Medeý aýdandyq politsiia basqarmasynyń bastyǵy Dáýren Ótebaev.
Sonymen qatar er adam apta saiyn áielderdi zorlyq-zombylyqtan qorǵaý jónindegi inspektorǵa profilaktikalyq áńgime júrgizý úshin kelýge mindetteldi.
