Almatyda koronavirýs infektsiiasyn juqtyrǵandar sany kóbeiip keledi. Bul týraly onlain brifing barysynda Almaty qalasy boiynsha taýarlar men qyzmetterdiń sapasy men qaýipsizdigin baqylaý departamentiniń basshysy Qarlyǵash Ádbijabbarova aitty, dep habarlaidy QazAqparat.
«Almaty qalasynda KVI boiynsha epidemiologiialyq jaǵdai kúrt nasharlady, QR boiynsha epidemiologiialyq jaǵdaidy baǵalaý matritsasynda qala úshinshi kún «qyzyl» aimaqta ornalasqan. Aptalyq syrqattanýshylyq 100 myń turǵynǵa shaqqanda 2,2 ese ósti», - deidi spiker.
Onyń aitýynsha, epidemiianyń taǵy bir tolqyny jańa jyldyq merekeler men belgili oqiǵalardan keiin jáne «omikron» shtammyna bailanysty bolyp otyr.
Bul zerthanalyq túrde biylǵy jyldyń 6 qańtardaǵy tolyq genomdyq sekvenirleý nátijelerimen rastalady.
«QR DSM-de 96 synamadan 8 synamada omikron shtammy anyqtaldy, onyń ishinde 7 synama Almaty qalasynan boldy. «Delta» shtammdary synamalardyń 71% - ynda anyqtaldy, «delta – pliýs» - 16% - da, basqa shtammdar - 4,7% paiyz.
«Omikron» shtammyna tán Almaty qalasyndaǵy epidemiologiialyq protsestiń erekshelikteri - asa joǵary juqpalylyǵy (taralý koeffitsienti 1:5), immýnitetke tótep berý qabileti, qaita juqtyrý qaýpiniń joǵarylaýy jáne 20-30 jas aralyǵyndaǵy azamattardyń zaqymdanýy baiqalady» - deidi ol.
Sonymen qatar ol apta saiynǵy syrqattanýshylyq buryn KVI-men aýyryp saýyqqan adamdardyń qaita juqtyrý jaǵdailary kúrt óskenin aitty.
